🔴 जळगावात हिंदू जनजागृती समिती व हिंदुत्ववादी संघटनांची १ फेब्रुवारी रोजी भव्य सभा

जळगाव | प्रतिनिधी

जळगाव शहरात हिंदू जनजागृती समिती तसेच विविध हिंदुत्ववादी संघटनांच्या वतीने १ फेब्रुवारी रोजी भव्य हिंदू राष्ट्र जनजागृती सभा आयोजित करण्यात येणार आहे. ही सभा मानराज पार्कजवळील श्रीराम मंदिर संस्थानच्या मैदानात पार पडणार आहे.

या सभेच्या नियोजनासाठी सोमवारी पदाधिकारी व कार्यकर्त्यांची महत्त्वपूर्ण बैठक पार पडली. बैठकीत सभेचे स्वरूप भव्य ठेवण्याचा निर्णय घेण्यात आला. शहरातील तसेच जिल्ह्यातील विविध हिंदुत्ववादी संघटनांचे पदाधिकारी व कार्यकर्ते या बैठकीस उपस्थित होते

सभेपूर्वी ३० जानेवारी रोजी सकाळी ४ वाजता वाहन फेरीचे आयोजन करण्यात आले आहे. ही वाहन फेरी सभास्थळापासून सुरू होऊन पिंप्राळा, खोटेनगर, भोईटनगर, प्रेमनगर या परिसरातून जाणार आहे. या वाहन फेरीत जास्तीत जास्त धर्मप्रेमींनी सहभाग घ्यावा, असे आवाहन आयोजकांच्या वतीने करण्यात आले आहे.

यावेळी मान्यवर वक्ते जगन्नाथ महाराज, वडसाईकर महाराज, विक्रम महाराज यांची उपस्थिती राहणार असून त्यांनी सर्व हिंदूंनी एकत्र येऊन सभेत सहभागी होण्याचे आवाहन केले आहे. या बैठकीचे संचालन गजानन तांबे यांनी केले.

आयोजकांच्या मते, या सभेमुळे शहर व जिल्ह्यातील वातावरण अधिक धर्ममय व उत्साहपूर्ण होणार आहे.