🚨 पाचोरा बसस्थानकाजवळ एस.टी. बस पलटी; ७५ प्रवाशांसह भीषण अपघात, अनेक जखमी 🚍⚠️

पाचोरा (प्रतिनिधी):

📍पाचोरा बसस्थानकावरून कडे–वडगाव मार्गावर आज सकाळी भीषण अपघात घडला. सुमारे ७५ प्रवाशांना घेऊन जाणारी पाचोरा आगाराची एस.टी. बस अचानक नियंत्रण सुटून पलटी झाली. या अपघातात अनेक प्रवासी गंभीर जखमी झाले असून, काहींची प्रकृती चिंताजनक असल्याची प्राथमिक माहिती समोर आली आहे.

अपघात होताच परिसरात एकच खळबळ उडाली. स्थानिक नागरिकांनी तत्काळ घटनास्थळी धाव घेत जखमी प्रवाशांना बसमधून बाहेर काढण्यास मदत केली. जखमींना उपचारासाठी पाचोरा येथील शासकीय व खासगी रुग्णालयात दाखल करण्यात आले आहे.

अपघात नेमका कशामुळे झाला, याबाबत अद्याप स्पष्ट माहिती मिळालेली नाही. वाहनाचा तांत्रिक बिघाड, चालकाचे नियंत्रण सुटणे किंवा रस्त्याची स्थिती या पैकी कोणते कारण आहे, याचा तपास सुरू असल्याचे प्रशासनाकडून सांगण्यात आले आहे.

दरम्यान, या अपघातामुळे काही काळ वाहतूक विस्कळीत झाली होती. पोलीस व एस.टी. प्रशासनाने घटनास्थळी धाव घेत परिस्थिती नियंत्रणात आणली असून, पुढील तपास सुरू आहे.