🔴 शंभर गुन्हे दाखल करा, धमक्यांना घाबरत नाही; युवराज लोणारी यांचा ठाम इशारा

भुसावळ | प्रतिनिधी
“पाणी प्रश्नावर कुणीही राजकारण आणू नये. आम्हाला कुणाच्याही धमक्यांना घाबरण्याची सवय नाही. शंभर गुन्हे दाखल केले तरी आम्ही मागे हटणार नाही,” अशा ठाम शब्दांत भाजपचे नेते युवराज लोणारी यांनी विरोधकांना सुनावले.

                  नगरपालिकेतील सत्ताधाऱ्यांनी केलेल्या आरोपांना प्रत्युत्तर देताना युवराज लोणारी यांनी पत्रकार परिषदेत स्पष्ट भूमिका मांडली. पाणीपुरवठ्याच्या प्रश्नावर शहरातील नागरिक त्रस्त असताना, या विषयाला राजकीय वळण देण्याचा प्रयत्न सुरू असल्याचा आरोप त्यांनी केला. लोणारी म्हणाले की, “भुसावळकरांच्या पिण्याच्या पाण्याचा प्रश्न हा राजकारणाचा विषय नाही. शहरहितासाठी आम्ही सातत्याने आवाज उठवत आलो आहोत. कुणीही आम्हाला धमक्या देऊ नयेत. कायदेशीर मार्गाने लढण्याची आमची तयारी आहे.” यावेळी पिंटू कोठारी यांनीही शहराच्या हितासाठी आपण युवराज लोणारी यांच्यासोबत असल्याचे स्पष्ट केले. नगरपालिकेतील पाणी व्यवस्थापन, नियोजनाचा अभाव आणि नागरिकांच्या समस्या याकडे सत्ताधाऱ्यांनी गांभीर्याने लक्ष द्यावे, अशी मागणीही करण्यात आली.
                   पत्रकार परिषदेत उपस्थितांनी सत्ताधाऱ्यांवर जोरदार टीका करत, शहरातील मूलभूत प्रश्नांवर राजकारण न करता तात्काळ उपाययोजना करण्याचे आवाहन केले.