भुसावळ | प्रतिनिधी
भुसावळ–यावल रोडवर आयशर वाहनातून म्हशींची कोंबून वाहतूक केली जात असल्याचा प्रकार समोर आला आहे. गौरक्षकांनी याबाबत भुसावळ शहर पोलिसांना माहिती दिल्यानंतर पोलिसांनी संबंधित आयशर वाहन ताब्यात घेऊन तपासणी केली.
आयशर वाहनातून १३ म्हशी आणि २ पिल्ले आढळली
पोलिसांनी केलेल्या तपासणीत आयशर वाहनामध्ये १३ म्हशी, १ जिवंत पिल्लू आणि १ मृत पिल्लू आढळून आल्याची माहिती आहे. जनावरांची दाटीवाटीने वाहतूक होत असल्याचेही समोर आल्याचे सांगण्यात आले.
पोलिसांकडून कारवाई
या प्रकरणी भुसावळ शहर पोलीस ठाण्यात संबंधितांविरोधात FIR दाखल करण्याची प्रक्रिया करण्यात आल्याची माहिती पोलिसांकडून देण्यात आली आहे. प्रकरणाचा पुढील तपास पोलिसांकडून सुरू आहे.
१३ म्हशी आणि जिवंत पिल्लू सुरक्षित ठिकाणी रवाना
दरम्यान, वाहनातून मिळालेल्या १३ म्हशी आणि १ जिवंत पिल्लाला सुरक्षित ठिकाणी रवाना करण्यात आले असल्याची माहिती आहे. तर एका पिल्लाचा मृत्यू झाल्याचे तपासणीदरम्यान आढळून आले.
भुसावळ–यावल रोडवरील या कारवाईमुळे जनावरांच्या वाहतुकीचा मुद्दा पुन्हा चर्चेत आला आहे.
